In ’n poging om Suid-Afrikaners se kennis uit te brei oor kritieke aspekte
van die geografie, geskiedenis, omgewing, toerisme, ekonomie en kultuur
van die land is ’n reeks boeke met die titel Ontdek ons Provinsies,
ontwikkel.
Die reeks dek elk van die nege provinsies, is propvol interessante en
deurslaggewende inligting oor die mense, diere, plante en plekke waaruit
hierdie wonderlike land saamgestel is, en word op ’n uiters toeganklike
wyse aangebied. Benewens die honderde interessante feite bevat elke
boek gedetailleerde kaarte, kleurfoto’s en pragtige illustrasies.
Die reeks is gemik op skoliere en lesers met ’n medium geletterdheidsvlak
maar bevat ook riglyne vir fasiliteerders oor hoe om die inligting ten beste
te gebruik om leerders te help met hulle leeswerk en om die kennis wat
hulle inwin, toe te pas. Daar is ook ’n afdeling met aktiwiteite wat prettige
raaisels en blokkiesraaisels bevat oor die inligting wat in elke boek
verskaf word, en ’n lys met webwerwe en naslaanbronne vir lesers wat op
hulle eie verdere navorsing wil onderneem.
Die hele stel is ook beskikbaar in ’n handige houer.
|
Blog 
